Das isch en Gueti Frag....??!!!
Hallo und Herzlich Willkomme!
So han ich min Job nach knapp 8 Jahr kündet und han mir en usziit uf de Baustell mit mim Vater gönnt, ide hoffnig das chle abwechslig hilft wieder freud dra z becho. Ich ha denn gmerkt das Komputerliebi immer no ume isch aber ich mues was ändere zum d freud dra bhalte. Ich möcht gern Mensche helfe Komputer besser z verstah und isetze im alltägliche Lebe denn ich kenns vu mine Eltere, d'Komputerwelt chan mengisch frustrirend sii und denn chönne helfe macht mir sehr viel freud!
Mis Ziel isches de Mensche i minere Umgebig z helfe bi Problem und mini begeisterig vu Komputer wiiterzgeh und zum das erreiche han ich mich Selbständig gmacht!
Mengisch hani s gfühl ich chan nix, denn es git no so viel zum Lerne über Komputer und Technik allgemein, uf so viel Ebene, aber ich behaupte dass ich es breits Grundwüsse ha und zwar ned nur vu Komputer sondern Technik Grät allgemein und eini vu mine Stärche isch mini Kommunikation mit Persone wo Technisch ned ganz so versiert sind, das sie trotzdem verstöhnd um was es im grobe gaht. Das find ich sehr wichtig, denn jede chan mit Fachbegriff um sich schmeisse, aber nur wenn mers eifach erchläre chan hed mer s Thema wirklich verstande. Zudem wenn es Problem uftaucht denn chani erst ufhöre wennis glöst han, will ich han glernt es git immer en weg isch nur en frag vude Ziit.
Alles in allem bezeichne ich mich als Allrounder ide Informatik mit sehr breit gfächertem Wüsse anstell vunere spezialisierig!